رحلة سفر
وسط الزحام
وفي رحلة سفر
عيون حزينه
ماليها السهر
ناس بتبني بيوت وقصور
وناس بتزرع في ارض بور
وناس ع العيش واقفين في طابور
وثوره قامت وشباب بتنادي
يانظام فاسد ارحل غور
وشباب بتموت ويقولو موته
قضاء وقدر
واب حزين يصرخ ويقول
ارحمونا بقا دا احنا بشر
وفي رفح صحبي فيها
مات شهيد
قتلوه ناس قلوبها حجر
نسينا دينا
والشيطان بنا حصن بنا
وحياتنا بقت على طول
في خطر
انزل يامطر
واغسل قلوبنا
اروي الطيابه جو منا
واحيي فينا صفات البشر
نفسي اشوف ضحكه صافيه
ع الوشوش
امل حقيقي مش مغشوش
قبل ما يروح البصر
انزل يامطر
0 التعليقات:
إرسال تعليق