عندي سؤال يابلادي
عايز اجابه
اعلن حدادي ع الشهيد
ولا اعلن حدادي عليكي
بدمي يابلادي غرقت
انا اراضيكي
طب لوكنت انا عاق
قوليلي ازاي اراضيكي
من صغري برضع ترابك
وشايل على اكتافي بلاويكي
اقول في حبك قصايد
واسهر ليلي اناجيكي
اصحي ياامي من نومك
وافهمي حاميكي
دول حراميكي
صمتك قتلني يابلد
وانا اللي بدمي بفديكي
دمنا غرق ترابك
والورد مات فيكي
الشعر الابيض
ع الكراسي
والشعر الاسود
قتيل جوه حواريكي
ابنك بعلمك كفنوه
لانه شاف الجنه
تحت رجليكي
يبقى السؤال
اعلن حدادي ع الشهيد
ولا اعلن حدادي عليكي
